SIHKHAWÉNG

 Delete tawp ai chuan Sihfa North Kohhran KTP zaipawl , Pavalai zaipawl leh Female Voice zai te hi ka'n dahtha ve ang e.

Pu K Thanzela (F/o Pu Ramnghinglova) Fa te'n an unaupa Pu Ramnghinglova hriatrengna atan Guitar leh Tui bottle 25 Sihfa Branch YMA an pe a, Sihfa Branch YMA chuan thilpek petute chungah lawmthu a sawi mawlh mawlh a ni. Sd/- Secretary Sihfa Branch YMA

Dt.8.8.2022 (Thawhtanni) khan Agriculture Minister Pu C.Lalrinsanga chuan Mualkhang Zau Sihfa,Saitual District a tlawh a. Agriculture Department hmalakna leh Thlai tharchhuah hralh dan a enpui.Aizawl Bazara hralh tur Thlai tharchhuah thahnem tak a vai liam nghal bawk a ni. Agriculture Minister Pu C.Lalrinsanga chuan Sihfa khua-a kuthnathawktute hmalakna chu ropui a tih thu a sawi a, Ram economy dinchhuahna bul chu Kuthnathawktute an ni, Khawvel ram ropui zawk Europe ramte hi Mi hausa kalkhawmte din nilo in, Kuthnathawktuten an tih bek bekna atanga tun dinhmun hi thleng thei an ni. In thlantui hmanga Intodelh intumna hi ka ngaisang a, inhmalakna a hmun ngeia rawn tlawh hi ka duh a ni, a ti. Agriculture Minister chuan Sihfa khuaa Kuthnathawktute tan Sorkarin hmachhawp a neih hrang hrangte pawh sawilangin Thlai thar dahkhawmna tur Collection Centre sak sak an nih tur thu a sawi a, Zau panna link road chu tun dinhmunah a vaia tih har deuh rih mah se hna hmasa atan engemaw chen a thui Cemen...

  Saitual District a lo pian theih nan leh a lo function theih nana hmalakna hrang hrang te chu Post hmasa (Saitual District Biahchianna Part-I) lamah chipchiar takin point by point in ka'n tarlang tawh a. Tun tumah erawh chuan Saitual District chhung chanchin tlangpui, hroatna tizautu atan ka'n tarlang dawn a ni. Nihna (designation/post) tarlan leh hming inmil lo emaw dik tawk lo a awm a nih chuan comment lamah min lo hrilh u la, kan siam tha (update) zel dawn nia. Hetiang hi Saitual District chanchin tlangpui chu a ni e:- Saitual District hi Mizoram hmar chhak lama awm a ni a, khua/veng 40 a huam a, Village Council 44 a awm bawk. Khawchhak lamah Khawzawl District-in a ri a, hmar lamah Manipur State leh Myanmar ramin a ri thung a, khawthlang lam leh chhim lamah Aizawl district-in a ri bawk a ni. A zau zawng hi 1757.34 Sq. Km a ni a, notified Town pathum: 1. Saitual 2. Ngopa leh 3. Phullen te an awm. Administration lamah Mizoram Gazette No. A.60011/20/2019-GAD, the 9th Nove...

  - Pu. Lalbiaktlinga, VCP Sihfa khua hi Saitual Town chhunga hmar lam bera awm a ni a, Aizawl ațangin 83 Km-a awm a ni. Tuifinriat zawl (sea level) atangin 1118 metres (3430 ft)-a sanga awm a ni a, a geographical coordinate chu 23.738405 ° N latitude leh 92.980680 ° E longitude a ni. HMING PUT CHHAN : Sihfa hmunah hian kan unau thlang tla hmasa Hmar ho an lo awm tawh a, SIH tih chu hmar tawngin 'tuihna kang lo' sawina a ni a, FA tih chu 'ring emaw tlan' enmaw tihna a ni a, tichuan SIHFA tih chu tuihna kang lo tlantute' tihna a ni a. Sihfa dai velah hian Sih a tam hle a, hemi hming chawi hian Sihfa tih a lo ni ta a ni. A TOBUL : Pastor Liangkhaia ziak dan chuan Zahmuaka fapa Rokhuma thlang a tlak hian a unaupa Zadenga hoten an zui thla a, "Sihfaah khua a nei" tih a ziak a, heng ho hi Hmar ho nia ngaih an ni a, kum 1700 - 1800 AD vel bawr ni a rin a ni. Hmar ho awm tawh loh hnu hian Kum 1881 - 1885 velah Pawibawia a lo awm tawh a, a nau Lalruma 1885- 1...

C. Lalnunsanga ( Sangtea) Kan thianpa pakhat sawi ka la hriat reng chu, "M.A ka zo kha kan khua ka haw chho a, engkim hre vek turah min lo ngai hawt mai a, an phone chhia te, an electric chhia zawng zawngte kha siam thiam turah min ngai ngawt mai a, a buaithlak asin. Chu mai pawh a ni lo, mahni tuina leh hriat zawng zawng khawvel ramh rang hranga thil thleng leh chanchin te, an hriat ang ang kha a chinc hhuaka hre vek turah min dah a, ka ngaihdan min zawt vei rawln en. Kan khua pawh chu nuamin ka hmang meuh lo a, Aizawl pheil eh thuai thuaia thawk han lak hawk hawk kha ka chak ber a ni," at i mauh asin. Ni, mihring kan nun khawchhuah zelna atan leh kanh ma hun thlira khawvel thiamna leh finna kan neih belh zela kan zir zel hi a tul mathlawn lo. Lehkha zir hi a awl ai lo a ni chek ang, ka tawng tu'n lo haw lo se, heti zo zai zirna kawnga beidawng leh lehkhathiam lo tia kan kawh hi an tam em mai. An zir san lohna avanga hmuhsitna erawh a kawk lo thung. Tih tak takah te chua...

Saitual District lo pian dan (A tlangpui): 1. Mizoram chu UT (Union Territory) a India Sawrkar-in a puan kum 1972 atanga rei lote kum 1974 khan a tum khatna atan Saitual District chu dil a lo ni tawh. Hetih lai hian VCP Pu. Thangchuaialova hovin Development Commissioner, Pu. Gurunga hnenah dilna thehluh a ni a, hemi chhunzawm hian Group Congress Committee (GCC) President Pum R. Zathuama hovin Mizoram UT a Chief Minister hmasaber Pu. Ch. Chhunga hnenah District Area tur leh Map te nen thlap District dilna thehluh leh a ni. 2. Kum 1978-ah Mizoram UT chu inthlang lehin People's Conferene (PC) party in sawrkarna an siam ve leh a. Hemi tum pawh hian District that ngiatin nawr leh a ni bawk. Mahse, PC sawrkar a phel tak si avangin Mizoram chu President Rule-ah kan awm a, beiseina a thamral ta a ni. 3. Kum 1979-ah inthlan a ni leh a, hemi tum hian PC party in sawrkarna an siam leh a. Nasa taka nawr ni mah se beiseina a thlawn leh ta mai bawk. 4. Kum 1984-ah inthlang lehin Indian Nation...

  6 July, 2022 Young Mizo Association, Sihfa Branch chuan kum upa te a ngaihlu hle a, kum danga a lo tih thin angin kumin ah pawh Sihfa khuaa kum 80 tlingte survey neiin, YMA Day ah chawimawina Parthi leh thilpek a pe nghe nghe a ni. Heng mite hi Sihfa khuaa kum 80 chin, la damte leh an kum zat a ni. 1. Pi PC Nuhliri - 101 2. Pi Lalliani - 94 3. Pi Kapthangi - 94 4. Pi Ngurdengi - 93 5. Pi Lalduhi - 91 6. Pu Biakkima - 90 7. Pu Dengthanga - 88 8. Pu Zahlira - 87 9. Pu Lalvuana - 85 10. Pu Zakima - 85 11. Pu Lalhleia - 85 12. Pu K.Pachhunga - 84 13. Pi Thangmuri - 84 14. Pi Ngursiami - 84 15. Pi Lianthangi - 84 16. Pu Ngurhnema - 83 17. Pu Bawihthuama - 83 18. Pu Sapchhawnthanga - 83 19. Pi Lalkhawmi - 83 20. Pi Dosiami - 83 21. Pu Lalhluta - 82 22. Pu F.Thangliana - 82 23. Pu Zathuama - 82 24. Pu H.Thanzama - 82 25. Pi Sanghnuni - 82 26. Pi Sapruni - 82 27. Pi Biaknemi - 82 28. Pu F.Kapzauva - 81 29. Pu Chhawnkima - 81 30. Pi Nuhliri - 81 31. Pi Zachhingi - 81 32. Pi Lalhliri - 81 ...

  6th July, 2022 CHAWHMA  A hmun : Community Hall Tan hun : Dar 10:30Am Hruaitu : Pi. Zosangi, President, MHIP Sihfa Branch Hunserh : Pi. Laldawli Tan hla : Aw nang kan Lal kan Pathian' Branch Report : Secretary, MHIP Sihfa Branch Member boral sunna Sunna hla : Pi. Lalmawipuii Thusawi : Pu. Lalbiaktlinga, VCP, Sihfa Member Kum 80 chin chawimawina Mal zài : Pi. Malsawmtluangi Thusawi : Pu F. Lalchhuanawma, Adviser, Sub- Hqrs. Mal zài : NI. Ngurthantluangi Thusawi : Sub-Centre thawktute a tangin Mal zài : Pi. Lalzuimawii EI LEH IN HUN (REFRESHMENT) .............................................................................. CHAWHNU   ( Dar 1:00Pm) Hruaitu : Pi. Thangliani, Vice President, MHIP, Sihfa Branch Mal zài : Pi. Hunlawmawmi Thusawi : YMA atangin Mal zài : Pi. Vanlalmuani Thusawi : MUP atangin A duh apiang tana thusawina hun Variety Programme Lawmthu sawina : Pi. Zonunpari Sawi zauna: MHIP (Mizo Hmeichhe Insuihkhawm Pawl) hi Pi. B. Sangkhumi (Founder of MHIP)...

Aizawl Sihfa Welfare te chu an inthlang fel leh ta. Post by post-a inthlang lovin member zing atang mi paruk (6) thlan chhuah an ni a, tichuan a hnuaia mi ang hian hruaitu tharte nihna (designation) tihfel a ni. Kum 2022- 2024  chhunga hruaitu (OB) thlan thar te: Chairman - Pu H. Laldawngkima, Ramhlun North. Vice Chairman - Pu K. Lalremtluanga, Ramhlun North. Secretary - Pu. Rosangzuala, Bethlehem Vengtlang. Assistant Secy. - Pu Lalremchhunga Hnamte, Ramhlun North. Treasurer - Pu Ramhmachhuana Hnamte, Ramthar North. Finance Secy. - Pu. Lalbiakthuama, Ramhlun Sport Complex. Aizawl-Sihfa Welfare hian Sihfa hming a titha thin hle a. Kum eng emaw chen, thangkhat lian aia tam pawh a ni hial ang, Sihfa an chhuahsanna a rei tawhin tu leh fate nen Aizawl veng hrang hrangah an inbengbel hlawm tawh a. A thente chu Kum tin pawh Sihfa-a zin thei lovin an awm tawh a, kum tam tak hnua zin leh chauh te an ni hlawm. An awm lohna a rei tawh em avangin rual û zawk te emaw an kum rualpuite bâk hriat ...

- Pu. Lalneihtlina Hnamte (Maneiha) Kum 2040 kan lo chuangkai ta. Mite chuan Sihfa khuain heti taka hma a sawn chhoh dan hi hriat an chak a, rual û zawk ten zawhna an chhang tam ta hle. Kei pawh kum 70 ka lo chuang ve ta a. Kum 2020-a kan nu leh pa, hetianga kan hmasawnna tura bultantute pawhin mual an liam zo dawn ta. Kum 2020-a piang te chu kan thalai neih te an lo ni ta. Khaw hmasawnna tura tan latute chu zahin, an zalhna thlanmual te pawh uluk taka cheibawl ani ta zel a ni.  Saitual District-a office pui ber DC office chu, tunhma KVI hmunah changtlung takin a awm a. A lun hle mai. Kum 20 kaltaa khaw hmawr ni thin kha khaw laili taka awm ang maiin, a velah office quarters leh mimal in tha leh mawi tak tak a awm fur a. Rulkhai pheiah te chuan dawr tam tak leh hotel changtlung tak a intlar thup a. Lungmantamkawn, tuna District Jail pengah chuan 'Sihfa vengthar i lo thleng ta' tih ziak mawi leh fiah takin a intar a. Rulkhai ram chhuahlam te, Tamdil kawng leh a chunglam Ramlaitu...

-C. Thangmawia RULKHAI RAM : Rulkhai ram hi kan pipu ten an sawi dan chuan Rulchawma rul lianpui mai awm chu an that a, kawn pheiah khuan an khai a, a len em avangin hla tak atang pawhin a hmuh theih a. Hlimen khua atangte khuan an thlir thin a ni an ti. HMAWNGZARMAWI : Hmawngzar- mawi hming putu hi amah hmuh tur awm tawhlo mah se Hmawngzarmawi kawn a ni reng dawn. Rulkhai tlak lam, Tamdil kawng leh Phullen kawng pengthuam chungah Hmawng chikhat sawhhmawng sen chi a awm a, chhim leh hmar, chhak leh thlang hawiin a zar a. A zar neih dan a mawiin, he hmawng hi a mawi chungchuang hle a ni. Hmawngzarmawi zinga mawi ber a ni a. A ram hmingah a pu ta a ni. DAPZAR RAM : Dapzar ram pawh hi sawi dan hrang hrang a awm a. Hmanlaiin ralkhat atanga lang thamin dap an zar dul mai a ni ti an awm. Thenkhat sawi dan chuan, hmanlaiin Dapzar hnam, paihte sulhnu a ni an ti bawk. THLERPUI MUA L:Thlerpui mual hi Sihfa hmunpui awm laia an kawtthler sei ber a nih avangin Thlerpui mual tih hming hi a pu hlen t...