SIHKHAWÉNG

Ziak mi leh thu thiam ni lo mah ila, Mizo tawng kan ziak dan tlem a zawng, ka lo vei ve em em, kei pawhin ka tihsual thin fo han tar lang ve mai mai teh ang. 1.  a ni / ani : Hei hi chanchinbu-ah an tisual tam khawp mai. A ni * tih hi hetiang hian ziah tur: eg. Saw saw Sai a ni *. Ani * ve thung hi chu third person singular form a ni a, hetiang hian ziak tur a ni ang. Eg: Ani* chu a lo kal ve lo vang. 2. Mahse /  mah se / nimahsela / ni mah se la : Hei pawh hi mi tam tak chuan kan thu ziakah kan tisual tam khawp mai. Mahse / nimahse / nimahsela * hi english-a but / nevertheless/ howbeit/however* kan tih ang hi an ni a, hitiang hian ziak tur a ni. Eg: Hmánah chuan ka hlau thin a, mahse* tunah chuan ka hlau ta lo emaw Khawvel tawp a hnai ta, nimahsela* tu mah inpeih reng an la awm lo. Mah se leh ni mah se la emaw ni mah se * ve thung hi chu  object ni si pronoun ni si an ni. Mah * hi tu emaw kan sawi a kha a ni. Eg: Hláu mah se Lalpan a pui zel thin ema...

Table of Content – Thupuite: 1. Tih Zawk Tur 2. Awmzia Nei Vs. Nei Lo 3. Na 4. In 5. A 6. Te 7. Ah 8. Tu 1. Tih Zawk Tur 1. “Ka tui in a hal” ti lovin “Ka tui a hal” tih zawk tur. 2. “Ka muthilh a chhuak” ti lovin “Ka mut a chhuak” tih zawk tur. 3. “Khawmpui ka chhim” ti lovin “Inkhawmpui ka chhim” tih zawk tur. 4. “A khawngaih thlak awm” ti lovin “A khawngaih thlak” tih zawk tur. 5. “Test chhin” ti lovin “Test” emaw “Chhin” emaw tih zawk tur. 2. Awmzia Nei Vs. Nei Lo Thuhnung bet(suffix) leh thuhmabet(prefix) te hi a nih dan tur ang taka kan zawm loh chuan awmze dang daih an nei thei a. A ziah dan tur dik taka kan ziah erawh chuan hriat thiam a awlsamin awmzia a nei thin a ni. Entirnan: Awmze nei lo: “Ka duh a vang in ka lei” (He thuchangkima “Vang” hian “Thil vang (tlem emaw zawn hmuh har emaw) a kawk...