(Then 1-na chhunzawmna) SIHFA RAM CHHUNGA RAM HMING LEH THIL DANG HMING PUT CHHAN KAN HRIAT THEIH CHIN TE (THEN 2-NA)

-C. Thangmawia

RULKHAI RAM: Rulkhai ram hi kan

pipu ten an sawi dan chuan

Rulchawma rul lianpui mai awm chu an

that a, kawn pheiah khuan an khai a, a

len em avangin hla tak atang pawhin

a hmuh theih a. Hlimen khua atangte

khuan an thlir thin a ni an ti.

HMAWNGZARMAWI: Hmawngzar-

mawi hming putu hi amah hmuh tur

awm tawhlo mah se Hmawngzarmawi kawn a ni reng dawn. Rulkhai tlak lam, Tamdil kawng leh Phullen kawng pengthuam chungah Hmawng chikhat sawhhmawng sen chi a awm a, chhim leh hmar, chhak leh thlang hawiin a zar a. A zar neih dan a mawiin, he hmawng hi a mawi chungchuang hle a ni. Hmawngzarmawi zinga mawi ber a ni

a. A ram hmingah a pu ta a ni.

DAPZAR RAM: Dapzar ram pawh hi

sawi dan hrang hrang a awm a.

Hmanlaiin ralkhat atanga lang thamin

dap an zar dul mai a ni ti an awm.

Thenkhat sawi dan chuan, hmanlaiin

Dapzar hnam, paihte sulhnu a ni an ti

bawk.

THLERPUI MUAL:Thlerpui mual hi

Sihfa hmunpui awm laia an kawtthler

sei ber a nih avangin Thlerpui mual tih

hming hi a pu hlen ta zel a ni.

HMUNDO RAM: He ram pawh hi

Hmunpuia an awm laia an lo puttir tawh a ni a. Hmunpui khaw hnuaia awm a nih angin tun thlengin Hmundo tih a ni. 

TLANGNUAM : Tlangnuam hming put

chhan dang hi hriat a harsa a. Thenkhatin a tlangdung a nuam a,

chuvangin Tlangnuam an ti a ni, ti an

awm laiin thenkhat chuan, nula leh

tlangval khawsak hona a nih avangin

tlangnuam tih a ni ti an awm.

NISATE RAM: Nisate tih takah

tlakdeng, nitlak dawn thlenga ni sa,

chhim thlang ep a nih vanga nisate

hming pu ta hi a ni ti an awm.

THINGTHLANGRA : A hming put

chhanah hian sawi dan chi hnih a

awm. Kal lama khâm va chhuah hmun

remah sawn thlanvawng thing zung

thlar, thlangra ang tak mai a awm a,

chu chu Thingthlangra a put chhan a ni e an ti a. A thing hi thlanvawng ni lovin, Pâng thing a ni ti an awm bawk.

NISAPUI: He ram pawh hi chhim

thlang hawi, kang at mai a ni a.

Nisapui tih awm reng pawh a ni.

Pangpar chi khat, nisapui par sen,

mawi tak mai a tam thei hle. Novem-

ber leh december thla velah a parvul

nasa thei hle.

PHUNGLIAN: He ram hi a hming

thang hle. Hmanlaiin, Pu Khawna, Pi

Ngurdengi pa in lo vah laiin mumang

mak deuh mai a nei a, a mumangah

chuan a vah bak hruikual-ah phung lian

fahran mai hi a hmu a. Chu phung

chuan engah nge he lai hmun hi lo atan neih i tum, kan ram a nia, lo ti tawh suh, bansan vat rawh tiin a vau a. Pu.Khawna hian hemi zana a mumang hi a ngai thutak hle a, a tuk ah hreipui leh bungrua dang a dah te a la a, a haw san ta a ni.

SIHPHIR: A hming put chhan

Phunglian nena a in ri na, kawrte hnar

leh Lungal nena a in ri na kawrte hnar

hi in hnaih takin an awm a. Sih leh sih-

in kawn zimte-ah kawng a kal tlang a,

he sih pahnih chhuah lam leh tlak lama

in hawisan taka an luang tlat mai hi

mak ve ang reng tak a ni. Hei hi Sihphir hming put chhan chu a ni.

LUNGAL: Lungal hming put chhan hi

sawi fiah dawn ila-Sihphir leh lungal

in ri na kawr te in tuivawl a finna thlang lawk, lungal ram lama kawrte tuivawl atanga hla lo te ah kawr lai tak ah pûk a awm a. Pûk chhung atangin tui a hnam tiam țiam a, chu chu sa-in an in thin a, chu puk sira lung chu ramsain an khel rang nuau thin, a mak danglam hle. (Kei pawhin ka ei chhin a, lung dang ai chuan a danglam deuh, a al lep lep a sin.)

HMARMUAL RAM : Hmarmual ram

hi 1919 hma lama Hmar ho lo chet

tlatna leh an sulhnu a ni a. Hmarmual

tih bak hi chu kan sawi thui thei lo.

HMARHMUN: Hmarhmun kan tih hi

a hma lama kan sawi tawh, Hmar biate ho an ni a, an lei rût pawh hmuh tur a la awm. An khawsak hun lai hi kum 1895 vel lai a nih a rinawm.

HALRUM: He ram hming put chhan

pawh hi kan hre thui lo hle. Thenkhat

chuan khaw lo dur thut avangin, rawt

lawk pawh awm hman lovin lo an hal ta rum rum mai a. Halrum tih hming hi a pu ta a ni an ti.

MALPUICHANG: Malpuichâng tih

hming a put chhan hi hriat dan tlanglawn berah chuan, thiandun pahnihin sa an chang a, pakhat zawkin a thian pa malpuiah a kahsak palh a,

Malpuichâng hming hi a pu ta a ni an ti.

BAWNG THIHNA RUAM: Thlipui, ruahpui

leh rial nasa tak maiin a thawk a, chumi hlau chu Bawng rual thing bèlin an tlan khawm a, mahse thli leh ruah leh rial a nasat em avangin an thih phah ta teuh a, chuvangin Bawngthihna ruam tih a lo ni ta a ni. (A kum kan sawi thei lo)

THINGSEKI RAM: Thingsia lian tak mai

a awm a. A zar chu seki ang tak mai a ni a. Seki a an em avangin tlangval in

an chei mawi a, mit a la hle thin.

Thingse ril a ni a, kum tam tak a awm.

THINGSANGKAWN: A hming putu hi

Thinglunga a ni a, a vanglai chuan a

sang hle a ni awm e. Tlangval ho feh

kal te hian a lerah khian i ngaihzawng

nu awm se la, min rawn lak theih chuan min nei dawn nia, ti ta se engtin nge i tih ang, tiin fiamthu thawh nan an hmang thin a ni awm e. Tunah chuan a tliak tawh a, a bul lam hmuh tur a la awm.

CHULZAU RAM : He ram hming put

chhan hi hriatdan in ang lo a awm nual

a. Thenkhatin, a har lutuk a, an thlo thei lova, an ma ta vak mai a, a hun lo ah a chul ta rup mai si a, an tih laiin, he ram an neih kum hian sial leh sanghal ten an eisak nasat lutuk avangin chulżau hming a pu ta a ni an ti thung.

PUK CHI HRANG HRANG TE:

Sihfa ram chhungah hian puk eng emawzat a awm a. Chung zinga

thenkhatte sawifiah dawn ila :

BÁK PÛK: Bák pûk hi hmasang atanga

lo awm tawh a ni a. Sihfa khaw hmar

veng, tlak lam, khua atanga hla vaklo

a awm a ni. Bakpuk tih takah bak an

tam thei hle a, a te chi te leh a lian pawh hmuh tur an awm. Pi leh pu ten an sawi dan chuan an tam vanglai chuan hla deuh atang pawhin an thawm a na hle a ni an ti.

MUALKHANG PÛK: He puk hi a danglam

hle a. Saitluk kam, kham chhawr dawh

chung, lung awmlo, lei awih tlan deuh a awm a ni. Sakuh kua ang deuh hian

chhuk bir zawngin a kua a, furah tui

hawk a luang lut nasa a, mahse,

hmasang atang tawhin a kuak ngaiin a

la kaw huau reng mai a ni. Lung tum

han thlak te hian rei tak a ri hriat tur a awm thin.

PÛKPUI : A zau zawng hi a dung feet

180 a ni a, a váng lam hi feet 120 a ni.

Tuikhawhthla san lam hi feet 60 a ni a, puk leh lamah hian Bak puk ropui zet mai a awm a. Englai pawhin bak hmuh tur anawm reng. He puk hi Aizawl lam atang te, hmun dang dang atangte in an en thin. He pukah hian hmanlai chuan favai a awma, heng favai te hi ral hlaua tlanchhia te sulhnu a ni an ti. He puka tawm thin te hi eng ral hlauva tawm nge an nih hriat phak a ni lo. Hmanlai hla pakhatah chuan, "Pukpui hmingthangah doral hlau rêng rênga hrailêng kan awihna" tih hla te pawh an phuah.

PU.DENGA PÛK: Valam chuan hnuai

leh chuan chung inkara awm a ni. A

bul vel hi a ngaw tha hle a, he pukah hian Pu.Denga a riak a, a khawsa thin.

Ramsa hlauhawm bera kan ngaih

Sakei te pawh a hun lai hian a tam hle

a, hetiang kara a khawsa ngam hi

huaisen an ti thin hle. Puk zau leh lian

tham tak, hmuh nawm tham tak a ni.

Kum 1966 Mizorambuai lai pawh khan

mizo sipaite leh tlangval hoten bihruk

nan an hmang thin.

VALÀM PÛK: He půk hi a dangdai hle

a. Kawr pawh ni lo, awih pang,

lung ko sira awm a ni a. Phei zawngin

a kua a, a kotlang chu patling ban

phak loh deuh chauh a sang a ni a,

mahse puk kua hi a thuk hle thung.A

kua pawh hi a ngil zan lo a, a thuk

tawlh tawlh a, a tawp lamah phei

chuan bawk vak lo chuan a kal theih

loh. Tlangval huaisen inti tan inluh

siakna tham a ni.

SIHPHIR PÛK: Sihphiräh hian puk a

awm nual a, Sihphir changhlawi, tlang

chung pang, chhim leh hmar lama puk

awm te hi an lian tham ve hle a, ralkhat atang pawhin a lang tham hlawm a ni. Thlanlunga mi hmingtha kan hmuh theih thenkhat te:-

* Thangkama : Lal huaisen ber,

Pawibawia fapa. Kum 46 ro a rel

chhungin khua 130-300 a nei. Fel takin

a vawng. Phuntu- Lianzuala

* Rochhunga Kum 54, 1919 sial a

talh. Kan hriatthiam theih nan

Rochhunga hi Pu H. Thanzama pu a ni.

Note: He thu ziak hi Sihfa Centenary (1919-2019) Souvenir, phek 19 leh 21 inkar atanga lak chhuah a ni. 

(Chhunzawm leh tur)