SAITUAL DISTRICT CHANCHIN ( A TLANGPUI/BRIEF)

 

Saitual District a lo pian theih nan leh a lo function theih nana hmalakna hrang hrang te chu Post hmasa (Saitual District Biahchianna Part-I) lamah chipchiar takin point by point in ka'n tarlang tawh a. Tun tumah erawh chuan Saitual District chhung chanchin tlangpui, hroatna tizautu atan ka'n tarlang dawn a ni. Nihna (designation/post) tarlan leh hming inmil lo emaw dik tawk lo a awm a nih chuan comment lamah min lo hrilh u la, kan siam tha (update) zel dawn nia. Hetiang hi Saitual District chanchin tlangpui chu a ni e:-

Saitual District hi Mizoram hmar chhak lama awm a ni a, khua/veng 40 a huam a, Village Council 44 a awm bawk. Khawchhak lamah Khawzawl District-in a ri a, hmar lamah Manipur State leh Myanmar ramin a ri thung a, khawthlang lam leh chhim lamah Aizawl district-in a ri bawk a ni. A zau zawng hi 1757.34 Sq. Km a ni a, notified Town pathum:

1. Saitual

2. Ngopa leh

3. Phullen

te an awm. Administration lamah Mizoram Gazette No. A.60011/20/2019-GAD, the 9th November, 2020 angin  -

1. Saitual Sadar Sub-Division leh

2. Ngopa Civil Sub-Division

a awm mek a, Saitual Sadar Sub-Division chhungah hian khua (Village Council) 29 an awm a, Ngopa Civil Sub-Division chhungah hian khua (Village Council) 13 an awm. Saitual District chhungah hian Rural Development Block pahnih -

1. Ngopa leh

2. Phullen RD Block

te an awm a. Ngopa RD Block chhungah hian khua 13 an awm a, Phullen RD Block chhungah hian khua 29 an awm mek bawk a ni.

Saitual District chhungah hian kum 2011 chhiarpui-ah khan mihring 50575 an awm a, mipa 25607 leh hmeichhia 24968 an awm a, chenna in 10219 a awm a, Population density chu 28.78 person per Sq km a ni. Saitual District Deputy Commissioner-in 21st July 2020-a an chhinchhiah danin Saitual District chhungah hian chenna in (family) 11539 a awm a, mihring 52912 an cheng mek a ni. District chhungah hian Legislative

Assembly Constituency pathum:

1. Lengteng A/C,

2. Chalfilh A/C leh

3. Tawi A/C

te an awm. Heng Constituency pathuma khua awmte hi an vaia Saitual District-ah awm lovin a tlem zawk theuh - Tawi Assembly Constituency atangin Aizawl District-ah khaw 4 : Tuikhurhlu, Seling, Thingsulthliah leh Thingsul-Tlangnuam te an awm a.

Lengteng Assembly Constituency atangin khaw 5 : Kawlkulh, Puilo, Tawitawkawn, Vanchengpui leh Vankal te chu Khawzawl District-ah an awm. Chalfilh Assembly

Constituency atangin khaw 4: CTI, Hmunnghak, Khawruhlian leh Sesawng te chu Aizawl District-ah an la awm zui a ni.

Saitual District-ah hian Village Council General Election 2020-ah khan Village Council 44 an awm a, General Seat 143 leh Reserved Seat 45, a vaiin Village Council Seat 188 a awm mek a, Votter 37673 an awm. Village Council lian ber chu Ngopa Village Council niin Village Council member 7 an nei mek a ni. District chhungah hian Sialkal Range Development Council leh Shinlung Hills Development Council chhungah khua eng emaw zat an awm a. Mizo hnahthlak tawng chi thum: -

1. Duhlian (Lushai) tawng,

2. Hmar tawng leh

3. Paite tawng

hman mek a ni a. Mizoram chhungah hetianga Mizo chi peng tawng hman pawlhna district hi awm ve tak maw.

Tun dinhmunah hian District huap department hrang hrang hengte hian Office an rawn bun tawh a: -

1. Police,

2. School Education & Samagra Shiksha Abhyan,

3. Agriculture,

4. Land Revenue & Settlement,

5. Election,

6. Horticulture,

7. Rural Development,

8. Economics & Statistics,

9. Urban Development & Poverty Alleviation,

11. Sericulture.

Heng bakah hian Account & Treasury, Soil& Water Conservation, Animal Husbandary & Veterinary, Health & family welfare, Transport, Law & Judicial etc. te pawhin District Office hawng turin an tintuah mek bawk a ni.

Saitual District chhungah hian lui lian leh tlang sang tak tak an tam hle mai a, Mizorama tlang sang ber dawttu

1. Lengteng leh

2.Chalfilh tlang te,

3. Tawi tlang te,

4. Surtlang te,

5. Mawmrang tlang leh

6. Nauzuarzo tlang

te an awm a. District khat chhungah chuan tlangsang tam berna a ni a, lui lian

tak tak: -

1. Tuivai,

2. Tuivawl leh

3. Tuirini

te an luang bawk a. Heng lui leh tlang te hian district chhunga cheng mihringte leh nungcha te tan malsawmna an thlen nasa em em a. Ei leh bar zawnna kawngah te, boruak thianghlim leh van ruahtui malsawmna dawn kawngahte an hluin an tangkai tak meuh meuh a ni. Nungcha humhalhna pathum:-

1. Tawi Wildlife Sunctuary,

2. Lengteng Wildlife sanctuary leh

3. Tamdil Wetland

an awm a. Tamdil phei chu Mizoram chhungakhuanu kutchhuak dil (natural lake) lian ber dawttu a ni. He Wetland ațang hian Khawvela rannung chi thar pawh Mizoram University a Researcher te chuan an lo hmuchhuak tawh nghe nghe a ni.

Heng kan han sawi bakah te hian khaw hrang hrang, ram chhunga tlang, lui leh hmun hnmingthang zualte chanchin kan rawn sawi zui dawn a, khaw hrang hranga zoram deng chhuak khawpa thil thleng lo awm tawh thenkhat kan rawn chhui zui bawk dawn a ni.

NGO:

Saitual District ah hian Tlawmngai pawl lian tak tak District huap a inthlungkhawm an awm nual a, chung zingah chuan Zoram pum huap pawha pawl lian pathum:-

1. YMA,

2. MHIP leh

3. MUP

chanchin tlangpui chauh kan sawi dawn a ni.

a) Saitual Sub-Headquarters YMA:

Saitual District chhunga YMA branch hrang hrangte hi Saitual Sub- Headquarters-ah an in thlunzawm a. Saitual Sub-Headquarters YMA hi 22nd January, 2021 (Zirtawpni) khan YMA Zawlbuk- Keifang Venghlui-ah Sub-Headquarters piang thar dang: Hnahthial leh Khawzawl te rualin CYMA General Secretary Prof. Lalnuntluanga'n chhun dar 12-ah a hawng a. A hawnna hun hi Prof. Malsawmliana, Asst. Secretary, CYMA-in a kaihruaia a. Central Executive Committee member mi 15 chuangin an rawn țawimawm bawk a, District chhunga YMA Group hrang hrang hruaitute leh Town chhunga YMA hruaitu sawmbik tlemtê te nen hun hlimawm tak hman a ni. Covid 19 hripui len lai a nih avangin mi tam zawk sawm theih an nih loh avangin hetiang hian hun hman a ngai ta a, kokim tak leh ropui taka Sub- Headquarters YMA hi hawn tura ruahmanna awmsa chu loh theih lohna avangin tih danglam a lo ngai ta a ni. Sub- Headquarters YMA hruaitu lailawk atan CYMA chuan heng mite hi a ruat a, hruaitu hmasa berte chu hengte hi an ni.

1. President: Pu C. Lalkima,,

Keifang Venghlui YMA Branch

2. Vice President: Pu R. Lalruatkima,

Saitual Bazar YMA Branch

3. Secretary: Pu K. Lalthangvunga,

Rulchawm YMA Branch

4. Asst. Secretary: Pu K. Lalsiamtluanga,

Sihfa YMA Branch

5. Treasurer: Pu Lalneihthanga,

Keifang Vengthar YMA Branch

6. Fin. Secretary: Pu RLC. Lalthatluanga,

Saitual Bazar YMA Branch.

Saitual Sub-Headquarters YMA a lo pian khan Saitual Group YMA chu thiah a ni a. Saitual Town chhunga Branch YMA te chu Sub-Headquarters-in direct-in a awp a,

khawpui pawn lama YMA branch te chu Group pahnih:-

1. Tamdil Group leh 

2. Tuivawl Group -ah siam a ni. 

Kawlkulh lam nen group khata lo awm țhin- Saichal, Hliappui, Pawlrang leh Changzawl te chu Group khata siamin Mawmrang Group a piang thar bawk a. Ti hian Saitual District chhungah Group awmsa nen Group YMA 5 an awm mek a ni.

1. Tuivai Group YMA : 

Tuivai Group YMA chhungah hian heng branch te hi an awm: - 

1. Phullen, 

2. Luangpawn,

3. Phuaibuang, 

4. Khawlian, 

5. NE Tlangnuam, 

6. Daido,

7. Zawngin, 

8. Suangpuilawn, 

9. Suangpuilawn North,

10. Lamherh, 

11. Vanbawng leh 

12. North Khawlek.

2. Tuiphal Group YMA : 

He group huam chhungah hian heng branch te hi an awm:- 

1. Chiahpui, 

2. NE Khawdungsei, 

3. Ngopa, 

4. Ngopa Chhimveng, 

5. Ngopa Hmarveng leh

6. Khawkawn.

3. Mawmrang Group YMA : 

Mawmrang Group YMA hi 19th February, 2021 chhun dar 12:00-ah hawn a ni. Suakphunga Heritage Centre, Hliappui-ah Pu C. Lalkima, President, Sub-Headquarters YMA, Saitual-in a hawng a ni. Group chhunga YMA Branch te chu:-

1. Saichal, 

2. Hliappui, 

3. Pawlrang leh

4. Changzawl.

Mawmrang Group YMA Hruaitu hmasa berte chu -

1. President: Pu K. Lallawmsanga

2. Vice President: Pu F. Lalthanmawia

3. Secretary: Pu K. Lalthansanga

4. Asst. Secretary: Pu V. Lalrokima

5. Treasurer: Pu Fanaia Fanai

6. Fin. Secretary: Pu C. Raltawnluia 

te an ni.

4. Tamdil Group YMA: 

Tamdil Group YMA hi 19th February, 2021 chhun dar 12:00 ah Pu K.Lalthangvunga, Secretary, Sub-Headquarters YMA, Saitual-in Tamdil-a Environnment, Forest & Climate Change Department Interpretation Hall-ah a hawng a, Heng branch te hi Tamdil Group-a awm an ni:- 1. Buhban, 

2. N.Lungpher,

3. Tulbung, 

4. Thanglailung leh

5. Dilkhan.

Tamdil Group YMA hruaitu hmasa berte chu-

1. President: Pu FL. Zawmdika

2. Vice President: Pu TN. Thanga

3. Secretary: Pu Ronghinglova

4. Asst. Secretary: Pu PK. Lalruatzela

5. Treasurer: Pu Lallawmzuala

6. Fin. Secretary : Pu Zosangzela te an ni.

5. Tuivawl Group YMA: 

Tuivawl Group YMA hi 19th

February, 2021 (Friday) chhun dar 12:00-ah Maite- ah hawn a ni a. Pu RLC. Lalthatluanga, Finance Secretary, Sub-Hqrs. YMA Saitual-in a hawng a ni. Tuivawl Group hnuaia YMA branch te chu:- 

1. Maite,

2. Tawizo, 

3. Lenchim leh

4. Mualpheng. 

Tuivawl Group YMA hruaitu hmasa berte chu:-

1. President: Pu Vanlalhriata Pautu

2. Vice President: Pu R. Rozama

3. Secretary: Pu KC. Laltlankima

4. Asst.Secretary: Pu Chawngthantluanga

5. Treasurer: Pu C. Lalthlamuana

6. Finance Secretary: Pu Lalbiaknunga.

Saitual town chhunga YMA branch hrang hrangte erawh chu Sub-Headquarters-in direct-in a awp hlawm a, chungte chu:- 

1. Sihfa, 

2. Saitual Chawnpui, 

3. Saitual Venglai,

4. Saitual Bazar, 

5. Keifang Venghlui, 

6. Keifang Leitan, 

7. Keifang Vengthar, 

8. Rulchawm leh 

9. Ruallung.

b) Mizo Hmeichhe Insuihkhawm Pawl: Saitual MHIP Sub-Headquarter hi 21st July, 2020 (Nilaini) khan Saitual Deputy Commissioner, Conference Hall-ah chawhma dar 10:30 khan Pi Lalthlamuani, President, MHIP General Headquarters chuan a rawn hawng a. Covid 19 hri leng avangin mi tam tak kal khawm a theih loha vangin sawm bik tlemtê te nen Pu VL. Hruaizela, DC Saitual leh NGO aiawh te chauh he hunah hian an tel thei a ni. Hruaitu thar thlan theih a nih hmaa hruaitu atan, MHIP Sub-Headquarters hruaitu hmasa ber atan heng mite hi ruat an ni:-

1. President: Pi Lalsangkimi, 

Keifang Venghlui

2. Vice President: Pi Lalbiaktluangi, 

Saitual Venglai

3. Secretary: Pi Lalhmingmawii, 

Keifang Leitan

4. Asst Secretary: Pi Lalduhawmi,

Saitual Chawnpui

5. Treasurer: Pi Lalhmunengi,

Saitual Venglai

6. Fin. Secretary: Pi H.Vanlalhruaii,

Saitual Chhim veng

Saitual Sub-Headquarters hnuaiah hian Block pathum an awm a, an hnuaia branch awmte nen hetiang hi andinhmun a ni:-

(1) Ngopa Block:

(i) Ngopa Chhim veng

(ii) Ngopa Hmar veng

(iii) NE Khawdungsei

(iv) Chiahpui

(v) Khawkawn

(vi) Lamzawl

(vii) Pawlrang

(viii) Mimbung

(ix) Hrianghmun

(x) Teikhang

(xi) Kawlbem

(2) Tuivai Block:

(i) N. Khawlek

(ii) Vanbawng

(iii)Lamherh

(iv) Suangpuilawn

(v) Zawngin

(vi) Phullen

(vii) Luangpawn

(vii) Thanglailung

(ix) Phuaibuang

(x) Khawlian

(xi) NE Tlangnuam

(xii) Daido

(3) Tuivawl Block:

(i) Maite

(ii) Tawizo

(iii)Mualpheng

(iv) Lenchim

(v) Buhban

(vi) N.Lungpher

(vii) Tualbung

(vii) Dilkhan

(c) Mizoram Upa Pawl District Headquarters:

Dt 28th February, 2019 khan General Headquarters remtihpuina-in Saitual Town chhunga MUP Branch hruaitu

kalkhawm te chuan Saitual District MUP an din a, District Conference neih hma a hruaitu tur atan hengte hi thlan chhuah an ni:-

1. President: Pu Tlanglianthanga,

Saitual Chawnpui

2. Vice President: Pu Laltlinvela,

Keifang Police veng

3. Secretary: Pu Biakkunga,

Saitual Chhim veng

4. Asst. Secretary: Pu Lalringliana,

Keifang Venghlui

5. Treasurer: Pu C.Thangmawia,

Sihfa

6. Fin. Secretary: Pu Vanlalsiama,

Tualbung

7. Sr. Advisers:

(i) Pu Lalengmawia (L), Saitual Chawnpui

(ii) Pu SV. Lalchhuanawma, Rulchawm

(iii) Pu Chuangkima, N. Lungpher

Saitual District Mizoram Upa Pawl Conference hmasa ber dt 24th March, 2021 (Nilai) nia Saitual Presbyterian Kohhran Centenary Hall-a neih chuan kum 2021 - 2023 chunga hruaitu atan heng te hi an thlang:-

1. President: Pu Laltlinvela,

Keifang

2. Vice Presidemt: Pu Vanlalsiama, Tualbung

3. Secretary: Pu R. Lalthasiama,

Saitual

4. Assist. Secretary: Pu Lalremmawia Sailo, Saitual

5. Treasurer: Pu H. Lalringliana,

Keifang

6. Fin. Secretary: Pu Zosiama,

Keifang

District Headquarters hnuaiah hian Area pakua (9) leh Branch 43 a awm a, chungte chu:-

(a) Saitual Area:

(i) Chawnpui Branch

(ii) Venglai Branch

(iii) Chhim veng branch.

(b) Keifang Area:

(i) Maite

(ii) Tawizo

(iii) Mualpheng

(iv) Lenchim

(v) Ruallung

(vi) Rulchawm

(vii) Keifang Leitan

(vii) Keifang Venglai

(ix) Keifang Venghlun.

(c) Tamdil Area:

(i) Buhban

(ii) N.Lungpher

(iii)Dilkhan

(iv) Tualbung

(v) Sihfa.

(d) Hliappui Area:

(i) Hliappui

(ii) Saichal

(ii) Pawlrang

(iv) Changzawl.

(e) Ngopa Area:

(i) Ngopa

(ii) Teikhang

(iii) Kawlbem

(iv) Lamzawl

(v) Ngopa Chhim veng.

(f) NE Khawdungsei Area:

(i) Chiahpui

(ii) NE Khawdungsei

(ii) Khawkawn

(iv) Mimbung

(v) Hrianghmun.

(g) Rungdil Area:

(i) Suangpuilawn

(ii) Lamherh

(iii)Vanbawng

(iv) N.Khawlek.

(h) Phullen Area :

(i) Phullen

(ii) Thanglailung

(iii) Zawngin

(iv) Luangpawn.

(i) Tuivai Area:

(i) Phuaibuang

(ii) Khawlian

(ii) NE. Tlangnuam

(iv) Daido.

Source:

1. The Mizoram Gazette VOL - XLIX Aizawl, Thursday 19.11.2020 Kartika 28, S.E. 1942, Issue No. 693

2. Saitual District Chanchin, page: 3-13

3. ibid, page: 350-352