SIHKHAWÉNG

-C. Thangmawia RULKHAI RAM : Rulkhai ram hi kan pipu ten an sawi dan chuan Rulchawma rul lianpui mai awm chu an that a, kawn pheiah khuan an khai a, a len em avangin hla tak atang pawhin a hmuh theih a. Hlimen khua atangte khuan an thlir thin a ni an ti. HMAWNGZARMAWI : Hmawngzar- mawi hming putu hi amah hmuh tur awm tawhlo mah se Hmawngzarmawi kawn a ni reng dawn. Rulkhai tlak lam, Tamdil kawng leh Phullen kawng pengthuam chungah Hmawng chikhat sawhhmawng sen chi a awm a, chhim leh hmar, chhak leh thlang hawiin a zar a. A zar neih dan a mawiin, he hmawng hi a mawi chungchuang hle a ni. Hmawngzarmawi zinga mawi ber a ni a. A ram hmingah a pu ta a ni. DAPZAR RAM : Dapzar ram pawh hi sawi dan hrang hrang a awm a. Hmanlaiin ralkhat atanga lang thamin dap an zar dul mai a ni ti an awm. Thenkhat sawi dan chuan, hmanlaiin Dapzar hnam, paihte sulhnu a ni an ti bawk. THLERPUI MUA L:Thlerpui mual hi Sihfa hmunpui awm laia an kawtthler sei ber a nih avangin Thlerpui mual tih hming hi a pu hlen t...

Kut Hnathawktu Association, Sihfa chuan vawiin Ni. 11.07.2021 hian Pu B. Muanzova inah pawl din champha kum khatna leh Kum 2021-2022 chhung atana hruaitu thlanna hun an hmang.  Hemi hun hi hrileng avangin member pum huapa hman a remloh vangin Committee member chin ten he hun hi an hmang a, hun hlimawm tak leh thu tha tak tak ngaihthlak a ni. Village Council kaihhruaina in Kum 2021-2022 chhung atana hruaitu thlanna neih nghal a ni a, heng mite thlanchhuah an ni- President : Pu K. Lalmuankima V. President : Pu Chatuanlalnienga Secretary : Pu Lalramnghahmawia Asst. Secy. : Tv K. Lalduhawma Treasurer : Pu R. Rammawia Fin. Secretary : Pu R. Lalsiamliana Facebook link:https://www.facebook.com/104533767887007/posts/332333811773667/ Instagram link: https://www.instagram.com/p/CRMd_QPJhjL/?utm_medium=copy_link

- Pu. C. Thangmawia VAWNGLAWN RAM LEH A CHHUNGA THIL AWM TE: A hming put chhanah sawi dan hrang hrang a awm- (1) Vawngawn, (2) Vawmlawn (3) Vawnglawn - Heng pathumzingah hian hriat dan tam ber leh tlanglawn ber chu (Vawnglawn) tih hi a ni a, chuvangin Vawnglawn tiin kan sawi zui mai dawn a ni. A ram chhungah hian thil chi hrang hrang a awm. Tuivamit : Tuivamit hi tui luang chhuak lo, kawr pawh ni lo, tui lo tling veringawt mai a ni a. Fur-ah pawh tam em em chuang lo, thâlvaêkchar-ah pawh kang ve chuang lo a ni. Pi leh pute hun laiah chuan khawih thiang lo ah an ngai a ni. Vawnglawn tui thlang, chhek hmun hlui liam, dam lam ramchhe hrulah khuan a awm. Pangen ram : Pangen ram pawh hi kan sawi zawh tak Tuivamit awmna mualah a ni a. Pangen a nihna chhan ber chu helai rama lonei thinte chhungkaw zinga pa ber an thih thin vang a ni awm e. Tum khat chu helai ram hi Pu.Ringlianan neih a tum a, laina hoten "Nei suh, i thi mai ang" an ti a, "Ka hlau lo, ka pa a awm a, kei ka awm...

(Kum 1954-2019 inkar V/C leh an hun laia khawtlanga thil thleng langsar zualte) - K. Thangkunga Sihfa khua Centenary (1919-2019) lawmna tura Souvenir buatsaihtu ten Sailo Lal ban hnua V/C kan neih tan 1954-2019 inkar V/C memberte leh an hun chhunga khawtlang tana an hnathawh langsar zual chhui tura min ruat ve hi mahni insit a na hle a. Phuloh duhsakna-ah ka lawm bawk a, tihsual palh awmthei lakah leh kim chang tawklo awm thei thilah chhiartute hriatthiamna ka han ngen hmasa e. Sihfa khua Centenary chu Pathian hruaina a zarah kan lo thleng ta reng mai a. Kan pi leh pu te kan rilru in a theihnghilh lova, an thawhrimna a zarah keini thangtharten a par kan tlan a, thawkrim tute chungah lawmthu kan sawi bang lo a ni. SIHFA KHAW PAWIMAWHNA 1. Pathian thu chhuahna a ni.  2. A Aw B zir tanna a ni.  3. Vaitawng zirna ngaihtuah tanna.  4. Zoram pum chhiarpui hmasa ber 1901 a nihna chhiarpuiah hian ziak leh chhiar thiam tawhte chu an vaiin 761 a ni tawh. 5. Number pawh 1000 kan hre...

Vawiin dt.30.06.2021 (Nilaini) hian  Sihfa Students' Union in kum 25na Silver Jubilee an lawm tur inbuatsaihna atan VEC hnuaia  inhlawh na an hmuh, kawng sir (Sihfa - Saitual kawng) thingphun samfai leh hung hnatlang an nei.  Khawchhe tak hnuaiah VEC hruaitute nen mi 24 thawkchhuakin thingphun tam tak an tifai a, heng thingphun te hi enkawl chhawnzawm zel awlsam nan leh hnimin a dip ral mai loh nan tha taka hung an ni.  #Saplings need support by using clearance and fence to grow upwards during the initial months, so that they don’t get damaged and bend. Sihfa Khua (Instagram) Link Sihfa Khua (Facebook Page) LINK

Sihfa khua Centenary (1919 - 2019) denchhena Documentary siam hi lo thlir ve ta che. Link: https://youtu.be/NflbIj-pk4s

This road constructed under PMGSY in Aizawl District was selected for assessment of socio-economic impact on the live of the habitation connected through him. Road No.3 - Saitual to Sihfa 1. Name of Road SAITUAL TO SIHFA 2. Package No. MZ 0111 3. Length 4.3 Kms. 4. Contractor R. LALHNUNA, REPUBLIC VENG, AIZAWL 5. Block PHULLEN 6. Circle EASTERN CIRCLE 7. Division SAITUAL DIVISION 8. Tender Cost 120.22 Lakh 9. Amt. Cleared by GOI 120.22 Lakh 10. Date of Starting of Works 8-2-2002 11. Date of Completion 31-3-2003 This 4.3 Kilometers of PMGSY Road from Saitual to Sihfa was completed on 31-3-2003, this road connected Sihfa village to the district's main road. The road falls under Phullen Development Block and was aimed at providing connectivity to the markets at Aizawl.

Synod Press & Book Room te buaipuina avanga ZWC ( Zoram Writers' Club ) thu chhuah, kum 1977 hun laia mi document hai chhuah a ni a, chu document hlu tak maiah chuan Short Story leh Drama lam hawi thu chi hrang hrang a awm. Tunah rawn tarlan tur hi Drama anga ziah a ni naa, chu lemchana chanvo nei (characters ) te chu hming lem ni lo, a hun laia thil thleng, thil tak tak a ni. Kum 1977 khan Pu.Sangzûala  (Chaltlang, Aizawl) chuan MSSU (Mizoram Sunday School Union) buatsaih drama inziahsiakah , ' Mizoram sande sikul intan dan leh a than zel dan' tih hmangin lawmman pakhatna a la a, he a lemchan ziah hi thilthleng pangngai behchhana ziah a ni. Mizorama Chanchintha a lo thlen atanga Sunde sikul than dan zawng zawng kim tak leh tawi fel takin a chuang.  He lemchan thawnthuah hian Thangkama (Sihfa lal) , Sihfa mipui ho leh Zosapthara te thu khawchang tarlan a ni. He lemchan thawnthu hi kum 1980 khan lemchan dangte nen ZWC hian a publish tawh nghe nghe. **********************...

Ni.22.6.2020 (Thawhlehni) zan 07:30pm ah Sihfa Branch YMA huaihawtin Sihfa Students' Union te nen kumin 2021-a Sihfa khua a zirlai exam (HSLC & HSSLC) hlawhtling te lawmpuina leh chawimawina hun hman a ni. Pu H.K.Lalrinngheta, Vice President, Siha Br. YMA, in hun a kaihhruai a, zirlai hlawhtling te chawimawina hun hman a ni a, Sihfa Students' Union chuan he hunah hian zirlai hlawhtlingte chawimawina leh lawmpuina Certificate hlanna an nei nghal bawk. Kumin 2021 ah hian Sihfa khua atangin HSLC-15(Distinction- 1, I Div-5, II Div-8, III Div - 1) leh HSSLC-14(First Div - 6, II Div -5 , III Div - 2) pass thar an awm a ni. Pu Lalmuanpuia Sailo, President, Sihfa Branch YMA, Pu K.Lalsiamtluanga, Asst.Secretary Sub Headquarters YMA, Saitual leh Tv.Vanlalsawma, President Sihfa Students Union-te hnen atangin lawmpuina thu leh fuihna thu tha tak tak ngaihthlak a ni bawk. Zirlai hlawhtling te hnenah hian lawmpuina thilpek hlan vek an ni. Kumin chhunga Sihfa khua atanga HSLC exam a pas...

Thlai thar chungchanga Chung lam malsawmna tam tak kan dawn avang te, ram pumin hrileng tihbaiawm tak kan hmachhawn avanga khua/veng hrang hrang te an buai mup mup laia zalèn leh boruak nuam tak hnuaia khawtlangin hun kan la hman zel theih avang leh inkhuahkhirh kalpui chhunga Aizawl lama chhungkaw harsa tak tak, mangang tam tak an awm tih hriatna neia an tana tihtheih ve tawk tih ve ngei duhna avangin Khawtlang hruaitute (Village Council, Sihfa) chuan LUAN CHHUAH ve tha an ti a, a hun atan nimin dt. 21/06/2021 (Thawhtanni) kha tinzawn a ni.  A hun, nimin dt. 21/06/2021 (Thawhtanni) a lo thlen meuh chuan Khawtlang mipui thinlungah Luan Chhuah chungchang chu a tlana hle a, mi tam tak (hnatlang zat chhinchhiah theih a ni lo), nula leh tlangval, nu leh pa, kum lama upa (Upa Pawl) te chenin a phétin an phé suau suau mai a ni.  Sihfa khawtlang hi YMA section thum (3): Taitesena, Chawngbawla leh Vânapa Section-ah then a ni a, Taitesena section te hian Hmar lam kawtchhuah (Lungdawn k...