SIHFA RAM CHHUNGA RAM HMING LEH THIL DANG HMING PUT CHHAN KAN HRIAT THEIH CHIN TE (THEN 1-NA)

- Pu. C. Thangmawia

VAWNGLAWN RAM LEH A CHHUNGA THIL AWM TE:

A hming put chhanah sawi dan hrang hrang a awm- (1) Vawngawn, (2) Vawmlawn (3) Vawnglawn - Heng pathumzingah hian hriat dan tam ber leh tlanglawn ber chu (Vawnglawn) tih hi a ni a, chuvangin Vawnglawn tiin kan sawi zui mai dawn a ni. A ram chhungah hian thil chi hrang hrang a awm.

Tuivamit: Tuivamit hi tui luang chhuak

lo, kawr pawh ni lo, tui lo tling veringawt mai a ni a. Fur-ah pawh tam em em chuang lo, thâlvaêkchar-ah pawh kang ve chuang lo a ni. Pi leh pute hun laiah chuan khawih thiang lo ah an ngai a ni. Vawnglawn tui thlang, chhek hmun

hlui liam, dam lam ramchhe hrulah khuan a awm.

Pangen ram: Pangen ram pawh hi

kan sawi zawh tak Tuivamit awmna

mualah a ni a. Pangen a nihna chhan

ber chu helai rama lonei thinte

chhungkaw zinga pa ber an thih thin

vang a ni awm e.

Tum khat chu helai ram hi Pu.Ringlianan neih a tum a, laina hoten "Nei suh, i thi mai ang" an ti a, "Ka hlau lo, ka pa a awm a, kei ka awm bawk a, a duh zawk rawn ngen rawh se" a ti a, lo atan a nei ta a, Pu.Ringa hi pangen hovin an ngam lo a ni.

Vaizazawl: Vaizazawlah hian Vaiza

(Hruikhau chikhat) a tam thei hle thin

an ti. Tun thleng pawh hian hmuh tur a la tam hle. Vaiza a tam avangin

Vaizazawl tih hming hi a lo pu ta a ni.

VALAM RAM LEH A CHHUNGA

THIL AWM TE:

Valam ram hi a hming put

chhan an sawi dan chuan Sava chi khat VARIHAW a intipuk a, a thla a zap bawk a, a vir kual chiam mai a,

chuvang chuan Valam tih hming hi a

pu ta a ni an ti.

Valam ram chhungah hian lei

tha bik, khuhhriang leh bel atana an

hman thin Bellei a awm a. Kan pi puten hlum hmanga ei rawng an lo bawl thin lai khan a tangkai hle, chu chu "Bellei" kan tih chhan hi a ni bawk.

Saboruam: Pu Rodengan he lai ram

a neih kum hian lawm a ruai a,

chawhmeh tura sa an chhum chu an

bun hlanin a lo bo ta vek mai a,

chuvang chuan "Saboruam" tih a lo ni

ta a ni.

Chingpirinu ngaw: Thingseki leh

Valam inrinna kawr, Valam ram ngaw

ah hian Chingpirinu, Sava chikhat hi a

tam bik a, chhunlaiah pawh a hram

hriat tur a awm fo thin a ni an ti.

Chuvangin "Chingpirinu ngaw' tih a lo

ni ta a ni.

SAITLUK RAM LEH A CHHUNGA

THILAWM TE:

A hming put chhan an sawi dan chu hetiang hi a ni. Phullen ramah khian Saisiha awm a. Chu sih tlan chuan Sai an tam thin hle a ni an ti. Buhban ram, Tuivawl kam hnaiah Saikar an kama, Sai a chhun thin a, Sai hliam chu Tuivawl hnar lamah a chho zel a, a hliam tuar lovin Saitluk ram kan tih takah hian a tlu hlum ta a, chuvangin "Saitluk ram' tih hming hi a pu ta a ni.

Pukpui ram: Puk lian zau pui mai a

awm a, chu puk hming chawi chuan

"Pukpui ram"' tih a ni ta a ni. (Hmun

dangah kan la sawi fiah ang)

MUALKHANG RAM LEH A CHHUNGA THIL AWM TE: 

Mualkhang ramah hian leikua, puk danglam tak mai a awm. (Hmun

dangah kan la sawi fiah ang) 

SABUAL RAM LEH A CHHUNGA

THIL AWM TE:

Sabual ramah hian

Sabual zau leh thuk tak a awm a.

Ramsa chi hrang hrang Sanghal,

Sazuk, Sai te leh ramsa dangte tual

chaina, an in bualfaina hmun a ni.

MUTELENTLANG LEH A CHHUNGA

THIL AWM TE: 

Tlang thengthaw nuam tak, chhim leh hmar, chhak leh thlang a lang zau hle a. Englai pawhin thlifim a tleh heuh heuh reng mai a ni. A boruak a that em avang hian chungleng sava te pawhin hai bik hek lo. A bik takin, Mu lam chi a lian deuh leh a tê lam deuh te pawh hmuh tur an tam thin hle a, mute thlifim dawng, changpuidir cher cher mai thinte chu hmuh an nuam theih thin hle a ni. Hei vang hian a lawm "Mutelen tlang" an lo tih tak ni.

Mutelentlang tlak lamah hian

"Dehlung" a awm bawk. Kan sawi

tak ang khan Mutelen tlang hi a sang

a, a thengthaw bawk si a, ngaw dai

nuam tak mai a nih avangin he lai hi

a lawm, mi ten chawlh hahdam nan

an lo hman thin.

Pu.Tlangchawia leh a kalpui nu

pawhin an pel phal bik awzawng lo mai. Kawng bul maia lungpui chawlhna

nuam takah chuan an chawl a, hetia

an khawsak lai hian Eden bawhchhiatna kan tih thin hi thleng chiah lo mah se Dehlung hming pu khawp tur chuan an ninhlei hle ni tur a ni, "Dehlung" a nih ber mai chu.

ZAWNGKENG RAM LEH A CHHUNG A THIL AWM TE: 

He ramah hian hmanlai chuan Zawng a tam em em mai a. Thlai ráh leh buhte an tichhiain an eiral nasa thin hle a, lo atan neih pawh an hreh phah hle thin a ni an ti.

NGAWIKĄWNG: Tunhma lam khan

Sihdarh luiah Lung ker ngawi an dawh

thin a. Ngawi en kawng bik an siam

avangin "Ngawikawng" tih hming hi a

pu hlen ta a ni.

BELLEI RAM :A hmalama bellei awmzia kan sawi tawh ang khan khuhhriang leh bel atana hman tur an phur chhuak nasa hle a. Sihfa awm hmasa intun nunna ber a ni thin.

KHELTEZAU: Khelte ram hi eng hun

lai atangin nge Khel hnam hian

thlawhhma atan an neih a an lo

chenchilh tih hi hriatchian a harsa

deuh. Kheltezau ah hian lungphun hriat

hlawh tak, Khuaiaii lung a awm a. He

lungphuna inziak dan chuan Kum 1919

February thla a ni a, Pu Taia

(Chhawnkima) sawi dan chuan 1919

kheltezau ah a awm a, 1920 ah Sihfa-

ah an awm nghet a ti thung.

PHUARLIAN RAM: Phuarlian tih hi

Hmar Biate ho sak a ni a. "Hruihzau"

tihna a ni a. Buhtam tak an thar a,

hruihzau tak an siam a nih a rinawm. A ram hming pawh hi Phuarlian ni lovin, Phuarlin tih zawk tur a ni e an ti.

LEIBAWL RAM: Leibawl an tih chhan

ber chu, Sadaiêk lian tak tak a awm

thluah mai a. Hmun dangah hetiang hi

hmuh tur a vang hle. Chuvangin

Leibawl ram tih hming pu awm reng

pawh a ni.

BUHTHUHRUK: Buhthuhrůk ram hi

sawi dan chi hrang hrang a awm a.

Pakhat zawk chu- Indopui avanga buh

an thuhrúkna a ni e an ti a. Thenkhat

chuan MIZOVIN khua leh khua indo an

chin laia Buh án thuhrükna a ni e ti an

awm bawk.

Dilkhan ram chu tuna Dilkhan khaw awmna lai, Tlangdung khu a ni a. A hming awmzia chu Tamdil khan

tihna a ni awm e.

PHUNCHAWNG RAM: Phunchawng

ramah hian Phunchawng a tam a.

Lianpui pui te pawh a awm thin.

Phunchawng lian bik tak mai a awm

a. Hetih lai hian Lalnu Thanchhingi,

Thangkama nupui chu thi chhawngin

a na a, Phunchawng huai tih nat a ni

ngeiin an hria a, an kit ta a ni.

SAKEITHINGLIAHKAWN: Sakeiin

thing a liah hi Khiang thing a ni a.

Khiang nu nghak lian tham tak a ni. A

awmna lai: Tualbung kawng hlui, kawn atanga hla vak lo, kawng chhak lam atanga khawih phak a ni a. Sakeiin a liah dan: a pang thlang lama liak na zual a, apil a liak kheh nasa hle.

SAKEI PHUMNA MUAL : Sakei sual

tak mai ran seh ching bik a awm a.

Tûrin an hrai hlum a, sawlai ramah sawn an phum a. Sakei phumna mual tih hming hi a pu ta a ni.

RAMLAITUI: A hming put chhan tak

hi sawi a in ang lo va. Mahse, sawi dan tlanglawn berah chuan Phullen

kawngpuiin a paltlang na laia tui hi

Ramlaitui chu a ni titute sawi dan hi a

pawmawm ber awm e.

...................................................................

Note: 

He thu ziak hi Sihfa Khua Centenary (1919-2019) SOUVENIR, phek 16-18 inkar ami lak chhuah a ni. 

Chhunzawm zel tur. 

1. Sihfa Khua Facebook Page Link: https://www.facebook.com/104533767887007/posts/331699785170403/

2. Sihfa Khua Instagram Page Link: https://www.instagram.com/p/CRKFddOJo38/?utm_medium=copy_link

   Image : Pu. C. Thangmawia