MIZO TAWNG ZIAK/ZIAH DAN DIK 2NA

Ziak mi leh thu thiam ni lo mah ila, Mizo tawng kan ziak dan tlem a zawng, ka lo vei ve em em, kei pawhin ka tihsual thin fo han tar lang ve mai mai teh ang.

1.  a ni / ani :

Hei hi chanchinbu-ah an tisual tam khawp mai. A ni* tih hi hetiang hian ziah tur: eg. Saw saw Sai a ni*.

Ani* ve thung hi chu third person singular form a ni a, hetiang hian ziak tur a ni ang. Eg: Ani* chu a lo kal ve lo vang.

2. Mahse /  mah se / nimahsela / ni mah se la :

Hei pawh hi mi tam tak chuan kan thu ziakah kan tisual tam khawp mai. Mahse / nimahse / nimahsela* hi english-a but / nevertheless/ howbeit/however* kan tih ang hi an ni a, hitiang hian ziak tur a ni.

Eg: Hmánah chuan ka hlau thin a, mahse* tunah chuan ka hlau ta lo emaw Khawvel tawp a hnai ta, nimahsela* tu mah inpeih reng an la awm lo.

Mah se leh ni mah se la emaw ni mah se* ve thung hi chu  object ni si pronoun ni si an ni. Mah* hi tu emaw kan sawi a kha a ni.

Eg: Hláu mah se Lalpan a pui zel thin emaw chutiang mi ni mah se/ ni mah se la a thiam thei ber te zinga mi a ni.

3. Lo vang / lo ang / lovang / loang :

Mi tam tak ziak dan a in ang lo nual, mahse a pawmawm ber chu Lo vang* tih hi a ni a,thenkhat chuan Lo ang* tiin an ziak ve bawk.

Eg: Hlauh reng reng ka nei lo vang*.

4. Hetiang / heti ang :

Mi thiam tak tak te thu ziakah a inang lo nual mai. He thu-ah hian exception awm lo law law se tih hi ka duh dan a ni. A changin hetiang* tih hi ka hmang a, a changin he tiang* tih ka hmang tho thin.
Eg: Hetiang/heti ang* hi a ni kan kal dan report chu.

5. Vowel awm kawp hmaah hyphen( - ) dah tur :

Eg: Kan khua-a* mihring za-ah* 50 te chu Presbyterian Kohhran a lawi an ni.